Samandrag v / Nils Leine

Lupinforgiftning er ein akutt sjukdom i sentralnervesystemet forårsaka av alkaloider i "bitre lupiner". ("Søte lupiner" er foredla og dyrka til dyrefor i USA.)
Gifta (alkaloidene) finst hovudsakleg i frø og belger, mindre i blad, og minst konsentrasjonar finst det i stilken.
Dei vil fyrst stimulera, deretter paralysera sentralnervesystemet.
Døden inntrer pga kvelning og kramper.
Symptoma kjem brått, etter 7 - 24 timar.
Dyr som overlever blir heilt friske.
Dyra tåler ei viss mengde gift. Denne blir avgifta i levra. Men dei blir brått sjuke når nivået i blodet kjem over det kritiske nivået.
Dyr kan gradvis tilvennast lupinfrø og det er gitt opp til 0,5 kg dagleg utan å få sjukdom.

Referanser:

• Gardiner M.R. (1967) lupinosis. Advances in Veterinary Science, 11, 85-138
• Diseases of Sheep 2. ed. (1991) Martin and Aitken, 307-308